Tša Bokgabo
Mogopo
Legopo
Megopo
Leselo
Bokgabo ke selo seo Basotho ba lebowa ba ikgantšhago ka sona. Basotho ba lebowa ba kgona go betla dibetlwa tša go fapana ka kota goba ka mobu o o bitšwago letsopa/motsopa. Ge bašemane ba le madišong, ba dikediša letšatši ka go betla dilo tše ba di ratago ba dutše ba hlokometše maruo a bona go fihlela ba goroša.
Banna le bona ge ba boile go aga magora a mašemo goba go tsoma, le bona ba fela ba tšea ditlabakelo tša go betla ba itloša bodutu ka go betla tšeo ba di ratago. Dibetlwa tše ba di dirago e ba dilo tše bjalo ka megopo ya go dirwa ka kota, melamo, dilo tša go kgabiša ka lapeng, bjalo bjalo.
Leselo le digo
Moropa dipitša tša go bopša ka boloko bja kgomo
Leho le lefehlo
Dipitša
Mokgopho
Ga se banna le bašemane bao ba kgonago go dira mabothakga a ma bjalo, basadi le bona ga ba ke ba phalwa. Basadi ba kgona le dilo di swana le go loga legogwa, go bopa dipitša, go kgopa dintlo ka boloko, go diriša mebala ye e fapanego go re di lebelelege le go dira dilo tša go swana le dipheta, bjalo bjalo.
Bokgabo ke selo sa ka mehla go Basotho ba lebowa. Ke ka lebaka leo basadi le bona ka ge ba sa tsebe tša go swana le go betla, ba ntšha bokgwari bja bona ge ba kgabiša dintlo ka mebala ye ya go fapana-fapana.
Mathomong
